काठमाडौं । बेरोजगार युवाहरूलाई वैदेशिक रोजगारीका लागि पोल्यान्ड पठाइदिने बहानामा रकम ठगी गर्ने एक व्यक्ति पक्राउ परेका छन् ।

पक्राउ पर्नेमा ललितपुर जिल्ला ललितपुर मनपा ६ का ३६ वर्षीय रुपेश महर्जन छन् । पक्राउ परेका महर्जनले पीडितसँग एक लाख रुपैयाँ ठगी गरेको प्रहरीले जनाएको छ । 

दुई युवाहरूसँग पैसा लिएर लामो समयसम्म झुक्याई विदेश नपठाएको भन्दै परेको निवेदनका आधारमा उनलाई पक्राउ गरिएको काठमाडौं उपत्यका अपराध अनुसन्धान कार्यालय टेकुका सूचना अधिकारी काजीकुमार आचार्यले जानकारी दिएका छन् ।

महर्जनलाई बुधबार ललितपुर जिल्ला ललितपुर महानगरपालिका ३ धोबिघाटबाट पक्राउ गरी थप अनुसन्धान तथा कारबाहीका निम्ति वैदेशिक रोजगार विभाग ताहाचल पठाइएको छ ।