काठमाडौं । दक्षिण कोरियामा भएको विमान दुर्घटनामा ज्यान गुमाउनेको संख्या १७९ पुगेको छ । विमानमा सवार १८१ जनामध्ये १७९ जनाको मृत्यु पुष्टि भएको बीबीसीले जनाएको छ  ।

थाइल्यान्डको बैंककबाट उडान भरेको बोइङ ७३७–८०० जेजु एयरको विमान दक्षिण कोरियाको मुआन अन्तर्राष्ट्रिय विमानस्थलमा अवतरणका क्रममा दुर्घटनामा परेको थियो ।

विमानमा सवारमध्ये १७५ जना यात्रु र ६ जना चालक दलका सदस्य थिए । उनीहरूमध्ये थाइल्यान्डका दुई र अरू दक्षिण कोरियाका नागरिक रहेको बीबीसीले जनाएको छ ।