काठमाडौं । अमेरिकी सञ्चारमाध्यम एबीसी न्युज नवनिर्वाचित राष्ट्रपति डोनाल्ड ट्रम्पसँगको मानहानि मुद्दा सुल्झाउन एक करोड ५० लाख अमेरिकी डलर तिर्न तयार भएको छ ।

एबीसी न्युजका प्रस्तोता जर्ज स्टेफानोपौलोसले गएको मार्च १० मा एक अन्तर्वार्ताका क्रममा ट्रम्प ‘बलात्कारको घटनाका निम्ति जिम्मेवार’  भएको टिप्पणी गरेका थिए । उनले पटकपटक यस्तो दाबी गर्दै ट्रम्पलाई समर्थन गरेकामा एक महिला सांसदलाई चुनौती दिएका थिए ।

शनिबार एबीसीले स्टेफानोपौलोसको टिप्पणीका विषयमा पश्चात्ताप भएको भन्दै वक्तव्य जारी गरेको छ ।

एबीसी न्युजले एक करोड ५० लाख अमेरिकी डलर परोपकारी दानका रूपमा राष्ट्रपति फाउन्डेसन तथा संग्रहालयलाई दिने बताइएको छ । ट्रम्पको कानुनी शुल्कका रूपमा १० लाख डलर दिने समेत एबीसी न्युजले जनाएको छ ।

यस विषयमा उसले सम्पादकीय पनि प्रकाशन गर्ने बताइएको छ । बीबीसीबाट ।