काठमाडौं । नेपाल प्रिमियर लिग (एनपीएल)मा लुम्बिनी लायन्सविरुद्ध विराटनगर किंग्सले उत्कृष्ट सुरुआत गरेको छ ।

बुधबार कीर्तिपुरस्थित त्रिवि क्रिकेट मैदानमा लुम्बिनीले दिएको १९२ रनको लक्ष्य पछ्याइरहेको विराटनगरले ६ ओभरको खेल सकिँदा एक विकेट गुमाएर ५४ रन बनाएको छ । 

विराटनगरबाट हाल क्रिजमा रहेका लोकश बम ३३ र मार्टिन गप्टिल १९ रनमा खेलिरहेका छन् । त्यसअघि, विराटनगरका इस्मात आलम ‘डक’ भएका थिए ।

टस हारेर ब्याटिङमा उत्रिएको लुम्बिनीले निर्धारित २० ओभरमा सात विकेट गुमाएर १९१ रन बनाएको थियो ।

प्रतियोगितामा लुम्बिनीको यो पहिलो खेल हो । विराटनगरको तेस्रो खेल हो ।

विराटनगर पहिलो जितको खोजीमा छ । विराटनगर पहिलो खेलमा जनकपुर बोल्ट्ससँग आठ विकेटले र दोस्रो खेलमा चितवन राइनोजसँग ८७ रनले पराजित भएको थियो ।