site stats
बाह्रखरी :: Baahrakhari
कला
Global Ime bankGlobal Ime bank
प्रियंका र दीयाको हरर सिनेमा ‘ममी’ माघ २५ मा 

काठमाडौं । प्रियंका कार्की र दीया मास्केको मुख्य भूमिका रहेको चलचित्र ‘ममी’को प्रदर्शन मिति घोषणा गरिएको छ । मंगलबार चलचित्रको फर्स्टलुक पोस्टर सार्वजनिक गर्दै माघ २५ गतेलाई प्रदर्शन मिति घोषणा गरिएको हो ।

सार्वजनिक पोस्टरमा ठूलो रुख छ । रुखको फेदमा घर छ । प्रियंका र दीया सोही रुखमा छन् । 

पोस्टरमा प्रियंका गम्भीर भावमा छिन् । दीया रगताम्य अनुहारसहित डरलाग्दो अवतारमा छिन् । हरर फ्यामिली ड्रामा कथामा निर्माण भएको सिनेमाले एक परिवारमा छोरी र कुकुरको दुखद् निधनपछि रहस्यमय कालो बिरालोसँगै निम्तने विपत्तिलाई दखाउने निर्माणपक्षले सार्वजनिक गरेको प्रेस नोटमा उल्लेख छ ।

एसओ ट्वान्टी फाइभको प्रस्तुतिमा निर्माण भएको चलचित्रमा प्रियंका र दीयासँगै सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, रिना ढकाललगायत कलाकारको अभिनय छ । 

चलचित्रमा समर निरौलाको लेखन तथा निर्देशन छ । यो उनको डेव्यु निर्देशन हो । 

लोक राज जोशी र पूर्णिमा जोशी निर्माता रहेको चलचित्रमा सुमन कोइराला कार्यकारी निर्माता छन् । चलचित्रलाई शरद महतोले छायांकन गरेका छन् । 
 

प्रकाशित मिति: मंगलबार, मंसिर १८, २०८१  १५:००
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro