काठमाडौं । नेपाली कांग्रेसका महामन्त्री विश्वप्रकाश शर्माले पुरानाको दिन गए भन्नेले धर्ती आफैँ पुरानो हो भन्ने नबिर्सिन चेतावनी दिएका छन् । बिहीबार कीर्तिपुरमा आयोजित चुनावीसभामा उनले जन्ममितिका आधारमा दल पुरानो नहुने बताए । 

“पुरानाका दिन गए भनेर दलहरूको पद्धतिविरुद्धमा जाने मनोविज्ञानसँग हामी सहमत छैनौँ । पुरानोका दिन गए भन्ने साथीहरूले बिर्सिएका छन्, यो पृथ्वी आफैँमा पुरानो हो । यो धर्ती आफैँमा पुरानो हो । हामीले बोकेका धर्म ग्रन्थ, देश, कीर्तिपुरको माटो पुरानो हो,” उनले भने, “कुनै पनि भूगोल, कुनै पनि दल, कुनै पनि व्यक्ति, कुनै पनि विचार जन्ममिति पुरानो भएकाले पुरानो हुँदैन । वर्ल्ड इज, गोल्ड भनिन्छ ।” 

उनले नयाँ भन्दैमा असल नहुने धारणा राखे  । “नवीनता विचार, संस्कार, प्रवृत्तिमा हुनुप¥यो । पुरानो भन्दैमा खराब हुँदैन । नयाँ भन्दैमा असल त्यही हो भन्ने हुँदैन,” शर्माले भने ।  

राजनीतिक दर्शन, आर्थिक दर्शन, सामाजिक आयोग यही बोकेर निर्वाचनपछि दर्ता भएका कारणले मात्रै नयाँ भन्ने मनोविज्ञान देखिएको उनको भनाइ छ । सबै दलमा परिवर्तन जरुरी रहेको उनले बताए । 

“हरेकले नवीनता खोजेको छ । पुुरानो पात झर्दै जाने, नयाँ पालुवा पलाउँदै जाने हो,” शर्माले भने । 

उनले कीर्तिपुरमा मेयरका उमेदवार कृष्णमान डंगोललाई जिताउन अपिल गरे । शर्माले संविधान निर्माण र संशोधनको क्षमता कांग्रेसले राख्ने बताए । कांग्रेसले जित्दा सरकार बन्ने भनाइ शर्माको छ ।