काठमाडौं । धितोपत्र दोस्रो बजार मापक नेप्से परिसूचक आइतबार १३.०३ अंकले घटेको छ । परिसूचक ०.४८ प्रतिशतले घटेर २६६७.४० विन्दुमा बन्द भएको नेपाल स्टक एक्सचेन्ज (नेप्से)ले जनाएको छ ।

यस दिन सात अर्ब ७२ करोड ८८ लाख रुपैयाँको सेयर कारोबार भएको छ । ५५ कम्पनीको सेयर मूल्य वृद्धि भएको छ । १८१ कम्पनीको सेयर मूल्य घटेको छ । आठ कम्पनीको सेयर मूल्य स्थिर छ ।

शिवश्री हाइड्रोपावर र ङ्यादी ग्रुप पावरको सेयर मूल्य ९ प्रतिशतभन्दा बढीले वृद्धि भएको छ ।

कारोबारमा आएका १३ मध्ये लगानी र उत्पादन तथा प्रशोधन समूहको परिसूचक बढेको छ । लगानी समूहको परिसूचक ०.०८ प्रतिशत वृद्धि भएको छ । उत्पादन तथा प्रशोधन समूहको परिसूचक ०.६८ प्रतिशतले बढेको छ ।