site stats
बाह्रखरी :: Baahrakhari
खेल
Global Ime bankGlobal Ime bank
मिलानसँग घरेलु मैदानमै स्तब्ध रियाल

काठमाडौं । यूईएफए च्याम्पियन्स लिगमा साविक विजेता रियाल मड्रिड घरेलु मैदानमै स्तब्ध बनेको छ ।

मंगलबार राति सान्टियागो बर्नबेउमा भएको खेलमा रियाललाई पाहुना टिम एसी मिलानले ३–१ ले निराश बनाएको हो । मिलानको जितमा मलिक थिव, अल्भारो मोराटा र टिजानी रेइन्डर्सले गोल गरे । रियालका लागि भिनिसियस जुनियरले एक गोल फर्काएका थिए ।

खेलको १२औँ मिनेटमा थिवको गोलमा मिलानले अग्रता बनाएको थियो । तर, २३औँ मिनेटमा रियालले पेनाल्टी पाएपछि भिनिसियसले सदुपयोग गर्दै घरेलु टिमलाई खेलमा फर्काए । 

३९औँ मिनेटमा मोराटाले गोल गरेपछि मिलानले पहिलो हाफमा २–१ को अग्रता बनाएको थियो । यस्तै, ७३औँ मिनेटमा रेन्डर्सले गोल गरेपछि मिलानले बर्नबेउमा ३–१ को जित पक्का गरेको हो ।

यो सिजनको च्याम्पियन्स लिगमा चौथो खेल खेलेको रियालको यो दोस्रो हार हो । चार खेलबाट ६ अंक जोडेको रियाल तालिकाको १७औँ स्थानमा छ । समान खेलबाट ६ अंक जोडेको मिलान तालिकाको १८औँ स्थानमा छ । प्रतियोगितामा मिलानको यो दोस्रो जित हो ।

प्रकाशित मिति: बुधबार, कात्तिक २१, २०८१  ०९:५०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro