काठमाडौं । अमेरिकामा नोभेम्बर ६ मा राष्ट्रपतीय चुनावका लागि मतदान हुँदै छ । त्यसअघि, अमेरिकाका धेरै ठाउँमा प्रारम्भिक मतदान भइरहेको छ । न्युयोर्क टाइम्सका अनुसार मंगलबारसम्म १.५ करोडभन्दा बढी अमेरिकीहरूले मतदान गरेका छन् ।

निर्वाचनअघि मतदान गर्ने यस प्रक्रियालाई अग्रिम मतदान प्रक्रिया भनिन्छ । यसअघि, पनि अमेरिकी चुनावमा अग्रिम मतदान भइसकेको छ । यसअघिको निर्वाचनमा प्रिपोल भोटिङमा डेमोक्र्याटको वर्चस्व भए पनि यसपटक केही प्रमुख राज्यमा रिपब्लिकनले अग्रता लिन थालेको छ ।

अमेरिकामा अग्रिम मतदान विभिन्न तरिकाले गरिन्छ । अधिकांश राज्यहरूमा मेलइन भोटिङको सुविधा छ । यसमा जनताले पोस्टमार्फत भोट गर्छन् । धेरै राज्यमा मतदाताहरू मतदान केन्द्रमा जान सक्छन् र चुनावअघि पनि व्यक्तिगतरूपमा मतदान गर्न सक्छन् ।

सन् २०२० मा कोरोना महामारीका कारण ६.५ करोड मानिसले हुलाकद्वारा मतदान गरेका थिए । यस्तै, ३.५८ करोड मानिसले भिडबाट बच्न चाँडै मतदान गरे । जुन ६४.४ प्रतिशत हो ।

यसपटक पनि निर्वाचनको दिन नजिकिँदै गर्दा अग्रीम मतदान बढ्दै गएको छ । न्युजविकको रिपोर्ट अनुसार जर्जिया र नर्थ क्यारोलिना राज्यमा अक्टोबर १५ मा प्रारम्भिक मतदान सुरु भएको थियो । दुवै ठाउँबाट एकै दिनमा साढे सात लाखभन्दा बढीले मतदान गरेका छन् ।