काठमाडौं । चीनमा बिक्री भइरहेका हरेक चार कारमध्ये तीनवटा न्यु इनर्जी भेहिकल अथवा ईभी रहेका छन् । सेप्टेम्बरमा लगातार तेस्रो महिना बिक्री भएका चारमध्ये तीन कार विद्युतीय रहेको तथ्यांकले देखाएको छ ।

चाइना प्यासेन्जर कार एसोसिएसनको तथ्यांकले सेप्टेम्बरमा ११ लाख २३ हजार कार बिक्री भएको देखाएको छ । गत वर्षको यसै महिनाको तुलनामा यो ५०.९ प्रतिशतको वृद्धि हो ।

समग्रमा सेप्टेम्बरमा चीनमा २१ लाख ९ हजार कार बिक्री भएका छन् । यो तथ्यांकले चीनमा पेटोलियम इञ्जिन वा आईसीई गाडीको बिक्री घट्दो क्रममा रहेको देखाएको छ । चिनियाँ उत्पादकले ईभीको करिब ७३ प्रतिशत बजार हिस्सा ओगटेका छन् ।