काठमाडौं । अस्ट्रेलियामा नेपाली शैक्षिक परामर्शदाताहरूको छाता संगठनका रूपमा रहेको अस्ट्रेलियन एजुकेसन कन्सल्ट्यान्ट एलाइन्स (एक्का)को साधारणसभाले कोमलराज पाठकको नेतृत्वमा नयाँ कार्यसमिति चयन गरेको छ । 

सिड्नीमा सम्पन्न एक्काको सातौँ साधारणसभाले पाठकको नेतृत्वमा नयाँ नेतृत्व चयन गरेको हो । संस्थाको उपाध्यक्षमा चुडामणि सिलवाल, सत्यप्रकाश कँडेल र शंकर धरेल निर्वाचित भएका छन् ।

यसैगरी संस्थाको सचिवमा योगेन्द्र पौडेल, सहसचिवमा राम चालिसे, कोषाध्यक्षमा भुवनहरि पाण्डे निर्वाचित भएको निर्वाचन समितिका संयोजक सन्जिव पाण्डेले जानकारी गराए । 

त्यस्तै, कार्यसमिति सदस्यमा अनिश पुरी, अर्जुन थपलिया, भूमि सुवेदी, सुनिल सिग्देल, अरूण गौतम, दिपक पौडेल, सागरकुमार शर्मा, सुमन अधिकारी निर्विरोध चयन भएको एक्काले जनाएको छ । कार्यक्रममा एक्काले पछिल्लो अस्ट्रेलियाको शैक्षिक नीति र त्यसले अन्तर्राष्ट्रिय विद्यार्थी  तथा व्यवसायीमा पर्न गएको समस्याका बारेमा विशेष अन्तर्क्रिया समेत आयोजना गरेको थियो ।