काठमाडौं । प्रधानसेनापति अशोकराज सिग्देलले नवनियुक्त ४८ अधिकृतलाई दर्ज्यानी चिह्न प्रदान गरेका छन् । सैनिक मुख्यालय जंगी अड्डामा बुधबार आयोजित एक कार्यक्रममा प्रधानसेनापतिले उनीहरूलाई दर्ज्यानी चिह्न प्रदान गरेका हुन् ।

सैनिक प्राड सेवा, विविध सेवाअन्तर्गत लेखा र प्राविधिक सेवामा रिक्त रहेका अधिकृत पदहरूमा खुला तथा समावेशी र आन्तरिक प्रतिस्पर्धाबाट छनोट भएका अधिकृतलाई दर्जयानी चिह्न प्रदान गरिएको थियो ।

दर्ज्यानी चिह्न पाउनेमा प्राड उपसेनानी तीनजना, लेखा उपसेनानी सातजना र प्राविधिक उपसेनानी ३८ जना गरी ४८ जना थिए ।

कार्यक्रममा नेपाली सेनाका रथी, अधिकृतहरूसहित नवनियुक्त अधिकृतहरूका परिवारजनको उपस्थिति थियो ।