काठमाडौं । ललितपुरमा तास खेलेको आरोपमा प्रहरीले आठजनालाई पक्राउ गरेको छ । गोदावरी नगरपालिका–१४, ठैबका ५२ वर्षीय जगतवीर देसारको आशीष झरना भ्यु होटेलमा जुवातास खेलिरहेको अवस्थामा उनीहरूलाई पक्राउ गरिएको हो ।

पक्राउ पर्नेमा उक्त होटेल सञ्चालक जगतवीरलगायत व्यक्ति छन् । शनिबार (हिजो) राति उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद दुई लाख २६ हजार ६२३ रुपैयाँ र एक बुक ताससहित उनीहरूलाई पक्राउ गरिएको प्रहरीले जनाएको छ ।