काठमाडौं । नेकपा (एकीकृत समाजवादी)को केन्द्रीय कमिटी बैठक आज पनि बस्दै छ । हिजोबाट सुरु भएको बैठक आज पनि बस्ने भएको हो । 

बानेश्वरस्थित अर्पण बैंकेटमा सुरु भएको बैठक भोलिसम्म चल्नेछ । बैठकले केन्द्रीय कमिटीलाई पूर्णता दिने बताइएको छ । 

पार्टीमा वरिष्ठ उपाध्यक्ष, उपाध्यक्ष, उपमहासचिव, कोषाध्यक्षसहित १८ पदाधिकारी रिक्त रहेकाले त्यसलाई पूर्णता बैठकले पूर्णता दिनेछ । 

पार्टीमा ३४४ सदस्यीय केन्द्रीय रहेकामा २५१ केन्द्रीय सदस्यको जिम्मेवारी तोकिनेछ । बैठकले केही नेताको जिम्मेवारी हेरफेर गर्नेछ ।