काठमाडौं । अविरल वर्षाका कारण देशका विभिन्न स्थानमा आएको बाढी, पहिरोलगायतका विपद्का घटनामा परी १९५ जनाको मृत्यु भएको छ । सो संख्या गत जेठ २८ गतेदेखि आज दिउँसोसम्मको हो ।

बाढी, पहिरोलगायतका विपद्मा परी काठमाडौं उपत्यकामा तीन, कोसी प्रदेशमा २७, मधेसमा आठ, वाग्मतीमा ३६, गण्डकीमा ५६, लुम्बिनीमा ३७, कर्णालीमा १३ र सुदूरपश्चिममा १५ जनाको मृत्यु भएको केन्द्रीय प्रहर प्रवक्ता एवं प्रहरी नायब महानिरीक्षक दानबहादुर कार्कीले जानकारी दिए ।

उनका अनुसार बाढीपहिरोमा परी काठमाडौं उपत्यकामा ११, कोसीमा ३८, मधेसमा १२, वाग्मतीमा २७, गण्डकीमा ४७, लुम्बिनीमा १९, कर्णालीमा ५९ र सुदूरपश्चिममा ३४ गरी २४७ जना घाइते भएका छन् ।

बाढीपहिरोका कारण काठमाडौं उपत्यकामा २८ जना, कोसीमा ४९, वाग्मतीमा १२, गण्डकीमा १४, लुम्बिनीमा चार, कर्णालीमा दुई र सुदूरपश्चिममा १०१ जना गरी आजसम्म २१० जनाको उद्दार गरिएको प्रवक्ता कार्कीले बताए ।