ढाका । नोबेल पुरस्कार विजेता बंगलादेशी नागरिक एवं अर्थशास्त्री मोहम्मद युनुसले आफ्नो देशमा जारी प्रदर्शनलाई भारतले ‘आन्तरिक मामिला’ भनेकामा दुःख व्यक्त गरेका छन् । उनले यो अशान्ति छिमेकी देशमा समेत फैलन सक्ने चेतावनी दिएका छन् ।

उनले इन्डियन एक्सप्रेस पत्रिकासँगको कुराकानीमा भनेका छन्, “भारतले यो बंगलादेशको आन्तरिक मामिला हो भनेर किन यस्तो भन्यो ? यसले मलाई दुःख लागेको छ ।”

उनको भनेका छन्, “यदि, तपाईंको भाइको घरमा आगो लागेको छ भने तपाईं यसलाई कसरी भन्नसक्नु हुन्छ कि तपाईंको आन्तरिक मामिला हो ?”

उनले अगाडि भनेका छन्, “कूटनीतिमा आफ्नो भनाइ राख्नका निम्ति अरू पनि अधिक समृद्ध शब्द छन् । केवल यो आन्तरिक मामिला हो भन्नु मात्रै पर्याप्त हुँदैन ।”

केही साताअघि बंगलादेशमा आरक्षणविरोधी आन्दोलन भएका बेला भारतले टिप्पणी गर्न अस्वीकार गरेको थियो । त्यति बेला भारतको विदेश मन्त्रालयका प्रवक्ता रणधीर जयसवालले मिडियासँग भनेका थिए, “हामी यसलाई बंगलादेशको आन्तरिका मामिला मान्छौँ ।”

आइतबार (हिजो)देखि त्यहाँ फेरि अर्को चरणको आन्दोलन भइरहेको छ । बीबीसी हिन्दीबाट ।