काठमाडौं । चलचित्र ‘रोल नंं १’ निर्माण हुने भएको छ । सेभेन सिज सिनेमाको प्रस्तुति रहने चलचित्रको फर्स्टलुक सार्वजनिक गर्दै निर्माण पक्षले चलचित्रबारे जानकारी दिएको हो । 

बाल मनोविज्ञानमा आधारित रहेर निर्माण हुने चलचित्रको सार्वजनिक फर्स्टलुकमा कक्षाकोठामा एक बालक हात उठाएर उपस्थिति जनाइरहेको देखाइएको छ । उसको अगाडि निलो सर्ट लगाएका विद्यार्थी कक्षा कोठाभरी छन् । अगाडि ब्ल्याकबोर्ड छ । नजिकै शिक्षिका छिन् । विद्यार्थीको ड्रेसले सरकारी स्कुल रहेको संकेत गर्छ । 

चलचित्रलाई जोन योञ्जनले निर्देशन गर्नेछन् । कथा पनि उनी स्यंले लेखेका छन् । महेश दवाडीको पटकथा तथा संवाद रहनेछ । 

कलाकारका बारेमा निर्माणपक्षले जानकारी दिएको छैन । तिहारपछि छायांकन हुने चलचित्रमा प्रशान्त शिवाकोटीको संगीत छ ।