काठमाडौं । भक्तपुरमा छुवालीले बनाएको घण्टाकर्णलाई जलाएर गठेमंगल मनाएको छ। नेवार समुदायमा गठेमंगल पर्वलाई भूत भगाउने पर्वको रूपमा मनाउने गरिन्छ । यसदिन बिहान पूजा गरी घरमा मूलढोकामा फलामको किला लगाउने गरिन्छ ।

त्यस्तैगरी यो दिन फलामको औठी पनि लगाउने गरिन्छ । नेवार समुदायमा मनाउने यो पर्व विभिन्न ठाउँमा आफ्नै तरिकाले मनाइने गरिन्छ । घण्टाकर्णलाई जलाएको आगोमा बालबालिकाहरूले घुमाउँदा रुन्चे नहुने पनि विश्वास छ ।