काठमाडौं । यूएईमा ‘नेपाल आइडल विथ स्ट्यान्डअप कमेडी’ कार्यक्रम आयोजना हुने भएको छ । नेपाल आइडल सिजन–५ का विजेता करण परियारको उपस्थितिमा यूएईमा ‘नेपाल आइडल विथ स्ट्यान्डअप कमेडी’ हुने भएको हो ।

अगस्ट ३ र ४ मा यूएईको राजधानी अबुधाबी र दुबईमा आयोजना हुने कार्यक्रममा नेपाल आइडल सिजन ५ का विजेता करण परियार, फर्स्ट रनरअप सलोनी गुरुङ, सेकेन्ड रनरअप सचिन विश्वकर्मासहित कमेडियनद्वय सुमन कोइराला (दले दाइ) र सजन श्रेष्ठले प्रस्तुति दिनेछन् ।

अन्तर्राष्ट्रिय नेपाली कलाकार समाज (इनास) र द अरनिको इन्टरटेन्मेन्टको आयोजनामा हुन लागेको यो कार्यक्रम नेपाल आइडल सिजन ५ का विजेता र उपविजेताहरुको पहिलो अन्तर्राष्ट्रिय कार्यक्रम हो । 

उक्त कार्यक्रमलाई नेपालतर्फबाट दामी मिडियाले संयोजन गरेको आयोजकले जारी गरेको प्रेस नोटमा उल्लेख छ ।