वाशिङटन । अमेरिकी उपराष्ट्रपति तथा राष्ट्रपति पदका लागि डेमोक्रेटिक पार्टीका उमेदवार कमला ह्यारिसले इजरायललाई युद्ध अन्त्य गर्न आग्रह गरेकी छन् ।

उनले बिहीबार राष्ट्रपति जो बाइडेनभन्दा अलि कडा मिजासमा इजरायलका प्रधानमन्त्री बेन्जामिन न्यातानाहुलाई युद्ध अन्त्य गर्न आग्रह गरेकी हुन् । गाजा क्षेत्रमा भइरहेको आक्रमण चासोको विषय भएको बताउँदै उनले भनेकी थिइन्, “यो युद्ध समाम्त गर्ने समय भयो ।”
 
नेतान्याहुले कमलालाई भेट्नुअघि बाइडेनलाई भेटेका थिए । गएको अक्टोबर ७ मा हमासले इजरायलमाथि आक्रमण गरेपछि इजरायलले कारबाही प्रक्रिया अघि बढाएको हो ।

यस क्रममा गाजा क्षेत्रमा ३९ हजारभन्दा बढी मानिसको मृत्यु भइसकेको छ । हमासले त्यतिबेला अपहरण गरेका व्यक्तिहरूलाई अझैसम्म छोडेको छैन । नेतान्याहु अमेरिकी संसद्को संयुक्त बैठकलाई सम्बोधन गर्न अमेरिका गएका हुन् । उनले गएको बुधबार उक्त सम्बोधन गर्दा विरोध प्रदर्शन भएको थियो । बीबीसी