काठमाडौं । निर्देशक सौरभ चौधरीले चलचित्र ‘कर्मा’ निर्माणको घोषणा गरेका छन् । निर्देशकसँगै निर्माणपक्षले आज चलचित्र ‘कर्मा’ निर्माणको घोषणा गरेको हो । 

सौरभले निर्देशन गर्ने चलचित्रको कथा पनि उनी स्वयंले लेखेका छन् । एक्सन ड्रामा एडभेन्चर जनरामा चलचित्र निर्माण हुने बताइएको छ ।

आर्टिस्टिक इनटरटेनमेन्टको प्रस्तुति रहने चलचित्रमा बसन्त लम्सालको लगानी रहनेछ ।  

चलचित्रको कथावस्तु र कलाकारबारे निर्माणपक्षले केही जानकारी दिएको छैन । कलाकार अनुबन्ध गर्ने क्रम जारी रहेकाले पछि जानकारी गराउने बताइएको छ । 

सौरभले अघिल्लो वर्ष चलचित्र ‘अगस्त्य : च्याप्टर–१’ निर्देशन गरेका थिए । उक्त चलचित्रमा उनले मेकिङमा गरेको निहिनेतको तारिफ भएको थियो । 

सोही चलचित्रको दोस्रो सिरिज पनि निर्माण हुने बताइएको छ । च्याप्टर–१ घोषणा गर्दै निर्माणपक्षले ‘अगस्त्य : च्याप्टर–२’ निर्माण गर्ने बताएको थियो ।