![प्रधानमन्त्री ओलीले गरे प्रथम जननिर्वाचित प्रधानमन्त्री बीपीको स्मरण](https://12khari.top/uploads/posts/kp-oli-samsad1-1721550401.jpg)
काठमाडौं । प्रधानमन्त्री केपी शर्मा ओलीले प्रथम जननिर्वाचित प्रधानमन्त्री बीपी कोइरालाको स्मरण गरेका छन् ।
प्रथम जननिर्वाचित प्रधानमन्त्री एवं नेपाली कांग्रेसका संस्थापक सभापति बीपी कोइरालाको ४२औँ स्मृति दिवसका अवसरमा ओलीले उनीप्रति विशेष सम्मानसहित श्रद्धाञ्जली व्यक्त गरेका हुन् ।
“आज आदरणीय नेता बीपी कोइरालाको ४२ स्मृति दिवस पनि हो । उहाँप्रति हार्दिक श्रद्धासुमन अर्पण गर्न चाहन्छु,” प्रधानमन्त्री ओलीले सम्बोधनको सुरुआतमा भने, “नेपाली समाजको परिवर्तन र रूपान्तरणमा उहाँले पुर्याएको योगदानको सम्मान गर्दछु र उहाँप्रति अत्यन्तै आदरभावका साथ श्रद्धाञ्जली अर्पण गर्दछु ।”
प्रधानमन्त्री ओलीले बीपीसँगै पुष्पलाल श्रेष्ठ, गणेशमानसिंह र मदन भण्डारीलाई पनि स्मरण गर्दै सम्मान व्यक्त गरेका थिए ।