काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री केपी शर्मा ओलीलाई सोमबार पद तथा गोपनीयताको शपथ गराएका छन् । महाराजगन्जस्थित राष्ट्रपति भवन शीतलनिवासमा आयोजित विशेष समारोहमा शपथ गराइएको हो ।

राष्ट्रपतिले प्रधानमन्त्रीपछि नवनियुक्त उपप्रधानमन्त्रीद्वय प्रकाशमान सिंह र विष्णु पौडेललाई शपथग्रहण गराए । त्यसपछि राष्ट्रपतिले नवनियुक्त मन्त्रीहरूलाई शपथ खुवाए ।

यी हुन् सोमबार शपथ लिएका २१ मन्त्री–
१. प्रकाशमान सिंह – उपप्रधान तथा सहरी विकास
२. विष्णु पौडेल – उपप्रधान तथा अर्थ
३. पृथ्वीसुब्बा गुरुङ – सञ्चार तथा सूचना प्रविधि
४. रमेश लेखक – गृह
५. शरतसिंह भण्डारी – श्रम, रोजगार तथा सामाजिक सुरक्षा
६. आरजु राणा – परराष्ट्र
७. प्रदीप यादव – खानेपानी
८. बलराम अधिकारी – भूमि व्यवस्था, सहकारी तथा गरिबी निवारण 
९. दामोदार भण्डारी – उद्योग, वाणिज्य तथा आपूर्ति
१०. नवलकिशोर साह सुडी – महिला, बालबालिका तथा ज्येष्ठ नागरिक
११. देवेन्द्र दाहाल – भौतिक पूर्वाधार तथा यातायात
१२. तेजुलाल चौधरी – युवा तथा खेलकुद
१३. अजय चौरसिया – कानुन, न्याय तथा संसदीय मामिला
१४. विद्या भट्टराई – शिक्षा, विज्ञान तथा प्रविधि
१५. मानवीर राई – रक्षा
१६. दीपक खड्का – ऊर्जा, जलस्रोत तथा सिँचाइ
१७. राजकुमार गुप्ता – संघीय मामिला तथा सामान्य प्रशासन
१८. ऐनबहादुर शाही – वन तथा वातावरण
१९. प्रदीप पौडेल – स्वास्थ्य तथा जनसंख्या
२०. बद्री पाण्डे – संस्कृति, पर्यटन तथा नागरिक उड्डयन
२१. रामनाथ अधिकारी – कृषि तथा पशुपन्छी विकास