काठमाडौं । नेपालका लागि अनरको आधिकारिक वितरक सेल्ट्रोन नेपालले अनरको २०० सिरिज भित्र्याउने भएको छ । कम्पनीले अनर २०० र अनर २०० प्रो एआई सुविधासहित थप अपग्रेड भएर भित्रिइरहेको बताएका छन् ।

'द एआई पोर्ट्रेट मास्टर' ट्यागलाइन पाएको अनर २०० सिरिजले पेरिसको हार्कोर्ट स्टुडियोसँग सहकार्य गरेको छ । यहाँ एउटा फोटासुट गर्न दुई हजार युरो लाग्ने कम्पनीले जनाएको छ । यसबाट प्रिमियम पोर्ट्रेट सुटको अनुभव  फोनबाट नै लिन सक्ने कम्पनीको भनाइ छ।

के छन् फिचर
फोनमा टेलिफोटो क्यामेरा र स्न्यापड्रागन चिप छ । ५० मेगापिक्सेल पोर्ट्रेट मुख्य क्यामेरा र ५० मेगापिक्सेलको सेल्फी क्यामेरा छ । यसमा १.५ के क्वाड–कर्व्ड फ्लोटिंग डिस्प्लेमा ४००० निट्सको पीक एचडीअर ब्राइटनेस छ ।

ब्याट्री र चार्जिङ
दुवै फोनमा ५२०० एमएएच सिलिकन–कार्बन ब्याट्री छ । एक पटक चार्ज गर्दा ६१ घण्टा टिक्ने कम्पनीले जनाएको छ । १०० वाटको चार्जिङ सर्पोट गर्ने फोनको अनर २०० प्रोले ६६ वाटको वायरलेस चार्जिङ पनि सर्पोट गर्छ ।

पर्फर्मेन्स
स्न्यापड्यागन ८एस जेन३ प्रोसेसर रहेको अनर २०० प्रोले सिमलेस ग्राफिक्स रेन्डरिङ र तीन गिगाहर्जसम्मको सीपीयू गति दिने कम्पनीले जनाएको छ । अनर २०० प्रो नेपालमा १२ जीबी र्‍याम र ५१२ जीबी स्टोरेज क्षमतामा आउने कम्पनीले जनाएको छ ।

यस्तै, स्न्यापड्यागन ७एस जेन३ चिप रहने अनर २०० मा १२ जीबी र्‍याम र २५६ र ५१२ जीबी स्टारेज भेरियन्टमा उपलब्ध हुने बताइएको छ । यी दुवै फोन एन्ड्रोइड १४ र मेजिक ओएस ८.० मा चल्ने कम्पनीले जनाएको छ ।