पेरिस । फ्रान्सको संसदीय चुनावमा वामपन्थी गठबन्धन न्यु पपुलर फ्रन्टका नेता ज्यां ल्यूक मेलेंशोंले प्यालेस्टाइन राज्यलाई मान्यता दिने बताएका छन् ।

केही समयअघि युरोपका चार देश स्पेन, नर्वे, आयरल्यान्ड र स्लोभेनियाले प्यालेस्टाइन राज्यलाई मान्यता दिएका थिए । आइतबार भएको दोस्रो तथा अन्तिम चरणको चुनावमा न्यु पपुलर फ्रन्ट १८२ सिटसहित सबैभन्दा अगाडि छ ।

आउँदो सरकारमा उसको भूमिका महत्त्वपूर्ण हुने चुनावी नतिजाले देखाएको छ । उनले नयाँ प्रधानमन्त्री न्यु पपुलर फ्रन्टबाट नै हुने जनाएका छन् ।

फ्रान्सको संसदीय चुनावको रुझानपछि राजधानी पेरिसका कतिपय स्थानमा हिंसा देखिएको छ । उता, वामपन्थीले रातिदेखि नै पेरिसका सडकमा जुलुस प्रदर्शन गरेका थिए । बीबीसीबाट ।