काठमाडौं । लागुऔषध कोकिनसहित पक्राउ परेका तान्जानियन नागरिक र बोलिभियाका नागरिकले सर्टको फर्ल्स बटमभित्र धुलो बनाएर नेपाल भित्र्याएको खुलेको छ ।

त्योबोहक क्याप्सुल बनाएर निलेर ल्याएको पनि खुलेको हो । कोकिनसहित नेपाल पुगेका चारजनालाई लागुऔषध नियन्त्रण ब्युरोको टोलीले विभिन्न मितिमा पक्राउ गरेको थियो ।

पक्राउ पर्नेहरूमा तान्जानियन नागरिक डोनाल्ड जक्सोन माबुगा, बोलिभियन महिला लारुल क्रज टिकोना र भेनेजुलियन नागरिक सिमोन एटोनियो छन् ।

त्यस्तै, उनीहरूले ल्याएको कोकिन रिसिभ गर्न भारत हुँदै नेपाल पुगेका लालरुस्टाङ्गी छिन् । उनीहरूको साथबाट ब्युरोको टोलीले चार किलो ५०४ ग्राम कोकिन बरामद गरेको हो । पक्राउ परेका चारजनालाई नै ब्युरोको टोलीले बिहीबार सार्वजनिक गरेको छ ।

पक्राउ परेकाहरूले कोकिन ब्राजिलबाट दुवई हुँदै नेपाल ल्याएको खुलेको ब्युरोको प्रमुख एसएसपी दिनेश आचार्यले जानकारी दिए । पक्राउ परेकाहरूमाथि थप अनुसन्धान जारी छ । पक्राउ परेकाहरु सबै भरियामात्रै रहेको प्रहरीको दाबी छ ।