काठमाडौं । ‘क्यानडा नेपाल माउन्टेन फिल्म फेस्टिभल–२०२४’ आयोजना हुने भएको छ । कोसी प्रदेशको राजधानी विराटनगरमा असार १८ र १९ मा हुने फेस्टिभल नेपाल चलचित्रकर्मी महासंघ कोसी प्रदेशले आयोजना गर्न लागेको हो ।

चलचित्र निर्देशक समाजको प्रस्तुतिमा हुन लागेको फेस्टिभलमा विसं २०७९ र २०८० सालमा निर्माण भएका  चलचित्र, छोटा चलचित्र र बृतचित्रले सहभागिता जनाउन सक्नेछन् । 

हिमाल, पर्यटन र कलासंस्कृतिसँग नजिक रहेका चलचित्र फेस्टिभलको प्रथामिकतामा पर्नेछन् । फेस्टिभलमा सहभागी हुन चाहने चलचित्रले असार ११ गतेभित्र आवेदन दिनुपर्ने आयोजकले जारी गरेको प्रेस नोटमा उल्लेख छ ।