काठमाडौं । कर्णालीका जनताको औसत आयुमा सुधार भएको तथ्यांकमा सांसदहरूले आश्चर्य प्रकट गरेका छन् । 

आइताबारको प्रतिनिधिसभा बैठकको शून्य समयमा बोल्दै सांसद छिरिङ लामा तामाङले १० वर्षअघि सबैभन्दा कम आयु भएको कर्णालीको १० वर्षपछि नेपालीहरूको औसत आयुभन्दा बढी कसरी भयो भन्दै प्रश्न गरिन् । 

“२०७८ को जनगणनाको विस्ततृ तथ्यांक आयो । कर्णालीको औसत आयु अन्य नेपालीको भन्दा एक वर्ष बढी छ । १० वर्षअघि कम भएको आयु सरकारको ध्यान नपुगेको कर्णालीमा कसरी बढ्यो ? कसरी सुधार आयो यर्थाथ सरकारले दिओस् ध्यानाकर्षण गराउँछु,” उनले भनिन् ।