काठमाडौ । एलजीले ‘खेल्छ नेपाल घर–घरमा’ नामक योजना अघि सारेको छ । यस योजनाअन्तर्गत ग्राहकले एलजी टीभीबाट घरमै स्टेडियम बराबरको मज्जा लिई आफ्नो नेपाली टिमलाई चियर गर्दै क्यासब्याक र उपहार पनि जित्न सक्नेछन् ।

योजनाअनुसार कुनै पनि एलजी टीभी खरिदमा ४० प्रतिशतसम्मको नगद छुट र एक लाख रुपैयाँको व्यक्तिगत दुर्घटना बिमा उपलब्ध छ । साथै, एलजी ओलेड टीभी वा ८६ इन्चको टीभी खरिदमा एलजी साउन्डबार एसएनफोर उपहार सित्तैमा पाइनेछ । आईसीसी ट्वान्टी–२० विश्वकप २०२४ अमेरिका र वेष्ट इन्डिजमा जेठ २० गतेबाट सुरु हुँदै छ । नेपालले सन् २०१४ पछि दोस्रोपटक वर्ल्ड कपमा भाग लिँदैछ ।

कम्पनीका अनुसार ३२ इन्चदेखि ८६ इन्च साइजसम्ममा उपलब्ध एलजीका टीभीहरू ओलेड, क्युनेड, सुपर यूएचडी, यूएचडी र स्मार्ट क्याटागोरीमा नेपाली बजारमा उपलब्ध छन् ।

एलजीका क्युनेड टीभी, यूक्यु र यूआर सिरिज अन्तर्गतका यूएचडी टीभीहरूमा तीन वर्षको वारेन्टी रहेको छ । र, कुनै पनि एलजी टीभी खरिदमा एक लाखको दुर्घटना बिमा पनि प्राप्त गर्न सकिनेछ । ग्राहकवर्गहरूले यो बिमामार्फत संसारको कुनै पनि कुनामा भएको दुर्घटनाको क्षतिपूर्ति  दाबी गर्न सक्नेछन् । यसका साथसाथै शून्य प्रतिशत ब्याजदरमा ईएमआइ, कुनै पनि ब्रान्डको पूरानो सामान एलजीको सामानसँग साट्न सकिने एक्सचेन्ज अफर, एलजी लोयल्टी क्लब रिवार्ड, फ्री एलजी सर्टिफाईड इन्स्ट्लेसन र फ्री डेलिभरी पनि रहेको छ ।

यो योजना जेठ १७ गतेदेखि नेपाल अधिराज्यभर सीमित अवधिको लागि लागु गरिएको छ । नेपाल अधिराज्यभर एलजी ब्रान्डको आधिकारिक विक्रेता चौधरी ग्रुपअन्तर्गत सीजी इलेक्ट्रोनिक्स रहेको छ ।