हङकङ । हङकङको अदालतले बिहीबार लोकतन्त्र समर्थित १४ कार्यकर्तालाई दोषी ठहर गरेको छ । चीनले बनाएको पछिल्लो कानुनानुसार उनीहरूलाई दोषी ठहर गरिएको हो ।

दोषी ठहर गरिएकामा पूर्वसांसद लेउङ कोक हङ, लैम चेउकटिङ, हेलेना वोङ, रेमङ्ड चैनलगायत व्यक्ति छन् । त्यससम्बन्धी सुनुवाइ तीन न्यायाधीशको बेन्च रहेको इजलासमा गरिएको थियो । ती न्यायाधीशको इजलासले पूर्वजिल्ला काउन्सिलर ली यु शुन र लरेन्स लाउलाई भने रिहा गरेको छ ।

उक्त मुद्दामा दोषी ठहर १४ जनालाई आजीवन कारावास हुन सक्ने जनाइएको छ । यी १४ जना लोकतन्त्र समर्थित ४७ व्यक्तिमध्येका हुन् । सन् २०२१ मा एक अनौपचारिक प्राइमरी चुनावमा सामेल भएको विषयमा उनीहरूविरुद्ध मुद्दा चलाइएको थियो । अभियोजन पक्षले उनीहरूमाथि हङकङको सरकार गिराउन खोजेको आरोप लगाएको छ । बीबीसीबाट ।