लन्डन । बेलायतको विपक्षी पार्टी लेबरको आर्थिक योजनालाई दर्जनौँ विजनेस नेताहरूले ऐक्यबद्धता जनाएका छन् । जुलाई ४ को निर्वाचनलाई उनीहरूले परिवर्तनका लागि समय भन्दै विपक्षी पार्टीको नीतिलाई समर्थन गरेका हुन् । 

मंगलबारको टाइम्स न्युज पेपरमा प्रकाशित एक चिठीमा १२१ जना विभिन्न कम्पनीका संस्थापक, प्रमुख कार्यकारी अधिकृत, आर्थिक सेवा तहका पूर्व नेतृत्वपंक्ति तथा खुद्रा एवं उत्पादन फर्मले विपक्षी लेबर पार्टी परिवर्तन भएको र यसले दीर्घकालीन वृद्धिका लागि विजनेससँग काम गर्न चाहेको जनाएका छन् ।

यसरी हस्ताक्षर गर्ने विजनेश नेताहरूमा टिभी चेफ एन्ड रेस्टुरेटर टोम केरिज,  हिथ्रो एयरपोर्टका पूर्व कार्यकारी प्रमुख जोहन होलान्ड काये, जेडी स्पोर्टका चेयरम्यान एन्ड्रियु हिगिन्सन र विकिपिडियाका संस्थापक जीम्मी वेल्स  लगायतका छन् । 

बेलायतको निकै ठूलो पीटीएसई कम्पनीका सीईओले चुनावको समयमा कसैको पक्ष लिन अस्वीकार गरेका छन् ।बीबीसी