सहकारीका बचतकर्ताको नारा– जीबी राई कहाँ छ, गृहमन्त्रीलाई थाहा छ (तस्बिरहरू)

बाह्रखरी फोटो

हरिशजंग क्षेत्री सोमबार, जेठ १४, २०८१

सहकारीका बचतकर्ताको नारा– जीबी राई कहाँ छ, गृहमन्त्रीलाई थाहा छ (तस्बिरहरू)

काठमाडौं । सहकारीका बचतकर्ताहरूले सोमबार काठमाडौंको माइतीघरमा विरोध प्रदर्शन गरेका छन् । काठमाडौं, ललितपुर, भक्तपुरलगायत देशका विभिन्न ठाउँबाट आएका सहकारीका बचतकर्ताहरूले काठमाडौंमा प्रदर्शन गरेका हुन् ।

उनीहरूले सहकारी ठगका तस्बिरसहितका ब्यानर र विभिन्न नारा लेखिएका प्लेकार्ड बोकेर प्रदर्शन गरिरहेका छन् । माइतीघरदेखि नयाँ बानेश्वरसम्म र्‍याली निकाल्दै प्रदर्शन गरेका हुन् । उनीहरूले ‘जीबी राई कहाँ छ, गृहमन्त्रीलाई थाहा छ’ भन्दै नारा लगाएका थिए ।

सहकारीमा आफूहरूले जम्मा गरेको निक्षेप फिर्ताको वातावरण बनाउनुपर्ने मागसहित उनीहरूले माइतीघरमा धर्ना दिँदै आएका छन् । सहकारीको बचत अपचलनकर्तालाई कारबाही गर्दै रकम फिर्ता गर्ने सहमति सरकारले गरे पनि कार्यान्वयन नभएको उनीहरूले गुनासो गरे ।

तस्बिरहरू हेर्नोस्–

Sahakari_Bachatkarta_Pradasan-(35)-1716800195.jpg