काठमाडौं । मुटु स्वस्थ राख्न सबैभन्दा उत्तम मानिएको ‘ओमेगा–३ फ्याट्टी एसिड’ हृदयरोगको जोखिम कम गर्न फिस आयल सप्लिमेन्टका रूपमा दैनिक सेवन गर्ने गरिएको छ ।
 
अमेरिकामा ६० वर्षभन्दा माथिको उमेरका करिब २० प्रतिशत बयस्क मुटु स्वस्थ राख्न यसको सेवन गरिरहेको पाइन्छ । यद्यपि, एउटा नयाँ अध्ययनले नियमित रूपमा फिस आयल सप्लिमेन्टका कारण मुटु स्वस्थ भएकालाई घटाउने होइन पहिलो पटक स्ट्रोक हुनसक्ने र धड्कन सम्बन्धी उत्तेजना बढाउने जनाइएको छ । यो भनेको अनियमित धड्कन हो । जसले छातिमा हिर्काएको जस्तो अवस्था उत्पन्न हुन्छ ।

यो अध्ययनको शीर्षक ‘माछाको तेल पुरक : यसलाई ‘डम्प’ गर्ने बेला भएको हो कि होइन ?’ डेन्भरको नेसनल जेविस हेल्थमा कार्डियोभास्कुलर प्रिभेन्सन एण्ड वेलनेसका निर्देशक डा. एन्ड्रयु फ्रिम्यानले बताएका छन् । उक्त अध्ययनमा बेलायतका ४ लाख १५ हजार ४० देखि ६९ वर्षका मानिसबाट प्राप्त तथ्यांकको विश्लेषण गरिएको थियो । मुटुको समस्या नभएका मानिसलाई यसको नियमित प्रयोग गर्दा अनियमित धड्कन हुने जोखिम १३ प्रतिशत हुने र ५ प्रतिशतलाई स्ट्रोक हुनसक्ने जनाइएको छ । उक्त अध्ययनको रिपोर्ट बीएमजी मेडिसिन जर्नलमा मंगलबार प्रकाशित भएको छ ।

मुटुको रोग रहेका मानिसका हकमा भने फिस आयल नियमित रूपमा खाँदा १५ प्रतिशतलाई अनियमित धड्कन र हृदयाघातको जोखिम घटाएको र मुटुको असफलता र मृत्युको जोखिम ९ प्रतिशत घटाएको जनाइएको छ । विज्ञले फिस आयलले मुटु सम्बन्धी पहिले नै बिरामी भएका मानिसका हकमा काम गर्ने भए पनि बिरामी नभएकालाई भने समस्या आउन सक्ने जनाएका छन् । एजेन्सी