इलाम । इलाम क्षेत्र नम्बर २ को पछिल्लो मतगणनाको तथ्यांक प्राप्त भएको छ । पछिल्लो तथ्यांकअनुसार नेकपा एमालेले २४ हजार ६१८ मत प्राप्त गरेको छ । एमालेबाट सुहाङ नेम्वाङ उमेदवार छन् । यहाँ पाँच हजार ९३४ मतान्तर रहेको छ ।

यस्तै, दोस्रो स्थानमा नेपाली कांग्रेस रहेको छ । कांग्रेस उमेदवार डम्बर खड्काले १८ हजार ६८४ मत प्राप्त गरेका छन् ।

तेस्रो स्थानमा पहिचानवादी स्वतन्त्र उमेदवार डकेन्द्रसिंह थेगिम रहेका छन् । उनले ११ हजार १७ मत प्राप्त गरेका छन् । चौथोमा रास्वपा छ । उसको उमेदवार मिलन लिम्बुले चार हजार ३६४ मत प्राप्त गरेका छन् ।

अब यहाँ ८, ९, ११ र १२ गरी चार वडाको गन्न बाँकी छ ।