काठमाडौं । एसीसी इमर्जिङ कपको सेमिफाइनलमा नेपालले युनाइटेड अरब इमिरेट्स (यूएई) विरुद्ध ब्याटिङ गरिरहेको छ । नेपालबाट अर्धशतक बनाएका सन्दीप जोरा आउट भएका छन् । 

ओमानको अल अमेरत क्रिकेट मैदानमा टस हारेर ब्याटिङमा आएको नेपालबाट सन्दीपले ३९ बलमा चार चौका र दुई छक्कासहित ५० रन बनएका हुन् । ट्वान्टी–२० अन्तर्राष्ट्रिय क्रिकेटमा सन्दीपको यो तेस्रो अर्धशतक हो ।

जारी खेलको १५ ओभर समाप्त हुँदा नेपालले ६ विकेट गुमाएर ८७ रन बनाएको छ । 

यसअघि नेपाल आसिफ सेखलाई आठ रनमा गुमाउदा कुशल भुर्तेल 'गोल्डेन डक' भएका थिए । कप्तान रोहितकुमार पौडेल र दीपेन्द्रसिंह ऐरी समान पाँच रनमा आउट हुँदा कुशल मल्लले पनि तीन रनमात्र थप्न सके ।