काठमाडौं । ‘आफ्नै गाउँ, आफ्नै ठाँउ, आफ्नै भाषा, आफ्नै चलचित्र’ भन्ने नाराका साथ सेलिब्रेटी नेपालको आयोजनामा वैशाख ६ देखि ८ गतेसम्म हुने तेस्रो नेपाल ग्रामीण चलचित्र महोत्सव’मा अफिसियल सेलेक्सन भएका चलचित्रलाई सर्टिफिकेट प्रदान गरिएको छ । सोमबार प्रि–इभेन्ट आयोजना गर्दै प्रमाणपत्र प्रदान गरिएको हो । 

कार्यक्रममा उद्योग, बाणिज्य तथा आपूर्तिमन्त्री दामोदर भण्डारीले चलचित्र क्षेत्रलाई सरकारले आवश्यक सहयोग गर्ने बताए । उनले कलाकार नै देशको गहना भएकाले सरकारले कलाकार र चलचित्र क्षेत्रलाई उद्योगको रूपमा विस्तार गर्ने लक्ष्य रहेको बताए । 

महोत्सवमा गाउँको कथावस्तुमा आधारित चलचित्र समेटिएको सेलिब्रेटी नेपालका अध्यक्ष रघुनाथ सापकोटाले जानकारी दिए । नेपाल ग्रामीण चलचित्र महोत्सव तीन वर्षदेखि सिनेमा घर नभएका जिल्लामा गाउँले परिवेशमा निर्माण गरिएका शर्ट फिल्म, डकुमेन्ट्री र फिचर फिल्मलाई सहभागी गराएर गाउँगाउँका दर्शकसमक्ष अत्याधुनिक प्रविधिमा स्क्रिनिङ गर्ने र उत्कृस्ट फिल्मलाई अवार्ड प्रदान गरिँदै आएको छ ।

यस वर्ष रामेछाप नगरपालिका ८, रामेछाप बजार स्थित गौरिशंकर उच्च मा.वि.मा कार्यक्रम गरिने सापकोटाले बताए । 

महोत्सवमा छनोट भएका चलचित्र 

फिचर फिल्म
नाङ्गो गाउँ: दीपेन्द्र लामा
दिमाग खराब: निश्चल बस्नेत
बिच्छेद: सत्यराज चौलागाईँ
सतिदेवी: लक्ष्मण सुवेदी

शर्ट फिल्म
द डार्क बेकन: पवन केसी
सिगरेट: डब्बु क्षेत्री
सिपाईको छोरो: सुरज पौडेल
द ग्रेट मुखिया: असिम पौडेल
डिस्पेयर: शिव पुरी
रित्तो गाउँ: रामजी ज्ञावाली
आमा: परिच्छेद सेन
स्यालुट: अनुपराज राई
अन्तै माया: रणधीर श्रेष्ठ  

डकुमेन्ट्री फिल्म
आग्रे: अनिल बुढा मगर
स्नो लियोपार्ड: प्रदीप पोखरेल
इट्टा भट्टा: सुरेश डी मुखिया
बनकरिया: लक्ष्मी सुवेदी

भाषिक फिल्म
लिलामे माइला: भिम लामा
माराङ: बुद्धिया एस मगर
स्वयनगु: अमृतमान महर्जन