काठमाडौं । नेपाली कांग्रेसका सांसद प्रदीप पौडेलले विश्वविद्यालयको छाता ऐन बनाउनुपर्ने बताएका छन् । प्रतिनिधिसभाअन्तर्गतको शिक्षा, स्वास्थ्य तथा सूचना प्रविधि समितिको सोमबारको बैठकमा उनले यस्तो बताएका हुन् ।

उनले त्यस्तो ऐन बनाएर सोहीअनुसार विश्वविद्यालयहरू खोल्न सकिने व्यवस्था गरिनुपर्नेमा जोड दिए । नेपाल विश्वविद्यालयको औचित्यमाथि पनि उनले प्रश्न उठाए ।

उनले मानिसमा वास्तविक सीप भर्ने नयाँ तरिका नेपाल विश्वविद्यालयले के ल्याएको छ ? भनेर प्रश्न गरे । नेपालमा धेरै विश्वविद्यालय भइसकेका भन्दै उनले यति धेरै किन चाहियो ? भनेर पनि प्रश्न गरे ।

सांसद पौडेलले विधेयकमा विश्वविद्यालयले के विषयमा दक्ष जनशक्ति उत्पादन गर्ने भन्ने कुरा प्रस्ट रूपमा नआएको बताए । न्युज एजेन्सी नेपाल