काठमाडौं । सञ्चार तथा सूचना प्रविधिमन्त्री रेखा शर्माले आरोप लाग्दैमा पक्राउ परे देशमा कोही पनि बाँकी नरहने टिप्पणी गरेकी छन् ।

आइतबार मन्त्रिपरिषद् बैठकको निर्णय सुनाउने क्रममा उनले 'कुकुल्यान्ड'मा पुस्तकमा उल्लेखित प्रधानमन्त्री पुष्पकमल दाहाल 'प्रचण्ड'को नाम भ्रष्टाचारमा जोडिएको विषय विषयमा उनले त्यस्तो बताएकी हुन् ।

“कसैमाथि आरोप लाग्दैमा, कसैमाथि काहीँबाट लेख्दैमा पक्राउ गर्दै जाने हो भने हाम्रो देशमा को बाँकी रहने हुन्छ र ?,” सरकारकी प्रवक्तासमेत रहेकी शर्माले भनिन् । 

गल्ती कमजोरी प्रमाणित भए कोही पनि नबच्ने उनको भनाइ छ । उनले 'कुकुल्यान्ड'मा पुस्तकमा आएको कुरालाई विषयान्तर नगर्न पनि आग्रह गरिन् ।