काठमाडौं । नेकपा (एकीकृत समाजवादी)का अध्यक्ष माधवकुमार नेपालले नेकपा (माओवादी केन्द्र)का अध्यक्ष समेत रहेका प्रधानमन्त्री पुष्पकमल दाहाललाई प्रचण्ड ‘सी’ भनी सम्बोधन गरेका छन् । 

मंगलबार समाजवादी मोर्चाले राष्ट्रिय सभागृहमा आयोजना गरेको अन्तर्क्रिया कार्यक्रममा प्रचण्डलाई ‘सी’ सम्बोधन गरेका हुन् । उनले प्रचण्डसी भन्दा हलमा हुटिङ लागेको थियो । 

त्यसपछि उनले हाँस्दै भने, “सी भनेको कमरेड, कलिग अरु के हुनसक्दछ निकालौँ ।” नेकपाका महासचिव नेत्रविक्रम चन्द्र विप्लवका पार्टीका नेताहरूले नामको पछाडि ‘सी’ लगाउने गरेका छन् । अहिले चन्द समाजवादी मोर्चाको संयोजक छन् ।