काठमाडौं । झापाका विभिन्न स्थानबाट लागुऔषध ब्राउनसुगरसहित चारजना पक्राउ परेका छन् । बिहीबार प्रहरीले उनीहरूलाई पक्राउ गरेको हो ।

पक्राउ पर्नेमा झापाको कन्काई नगरपालिका–४ का २३ वर्षीय सलिम आलम, शिवसताक्षी नगरपालिका–१० का २८ वर्षीय अजय बस्नेतसहित चारजना पक्राउ परेका हुन् ।

प्रहरीले आलमको साथबाट ९७० मिलिग्राम बस्नेतको साथबाट ३ ग्राम १८० मिलिग्राम ब्राउन सुगर बरामद गरेको हो । उनीहरूसँगैका अन्य दुई जनालाई समेत प्रहरीले नियन्त्रणमा लिएर अनुसन्धान अघि बढाएको छ । उनीहरूमाथि प्रहरीले थप अनुसन्धान जारी राखेको छ ।