काठमाडौं । प्रतिनिधिसभामा ‘प्रधानमन्त्रीसँग प्रत्यक्ष प्रश्नोत्तर’ कार्यक्रमअन्तर्गत मंगलबार प्रधानमन्त्री पुष्पकमल दाहाल ‘प्रचण्ड’लाई १३ सांसदले प्रश्न गरे । प्रधानमन्त्रीले ती प्रश्नका जवाफ दिए ।
प्रश्नको जवाफका क्रममा प्रधानमन्त्रीले भूमिहीन दलित, सुकुम्बासी र अव्यवस्थित बसोबासीको समस्या सम्बोधन गर्न गठित राष्ट्रिय भूमि आयोगबाट हालसम्म पाँच हजार ३०० परिवारलाई जग्गाधनी प्रमाणपत्र वितरण गरिएको जानकारी गराए । ७२८ स्थानीय तहसँग आयोगले सम्झौता गरिसकेको उनले बताए ।
सोसम्बन्धी हालसम्म १४ लाख ३६ हजार ४०० भन्दा बढी निवेदन संकलन गरिएको उनले उल्लेख गरे । १० लाख ४७ हजार १२२ निवेदन कम्प्युटरमा प्रविष्ट गरिएको उनले जानकारी गराए ।
प्रधानमन्त्री प्रचण्डले स्वास्थ्य बिमा कार्यक्रमलाई राष्ट्रिय गौरवको अभियानका रूपमा घोषणा गर्ने गृहकार्य भइरहेको जानकारी दिए । स्वास्थ्य बिमा परिचयपत्र अनिवार्य गर्ने, वैदेशिक रोजगारीमा जानेका परिवारको अनिवार्य बिमा गरिने उनले बताए ।
आम्दानीअनुसारको प्रिमियमका आधारमा सबै कर्मचारी, शिक्षक, जनप्रतिनिधिको अनिवार्य बिमा गर्नेलगायत कार्यक्रम अगाडि बढाइने उनले बताए । मध्यपहाडी लोकमार्ग छोटो बनाउने विषय सरकारको उच्च प्राथमिकतामा रहेको उनले सुनाए ।
सांसद्का प्रश्न र प्रधानमन्त्रीको जवाफ पढ्नोस्–
