काठमाडौं । प्रधानमन्त्री पुष्कमल दाहाल ‘प्रचण्ड’ले नेपाली कांग्रेसलाई कसले विश्वासघात गर्यो भनि प्रश्न गरेका छन् । बुधबार विश्वासको मतको प्रस्ताव प्रस्तुत गर्ने क्रममा प्रतिनिधिसभा बैठकमा उनले नेपाली कांग्रेसलाई त्यतिबेला राष्ट्रपति दिएको भन्दै अहिल्यै धोका दिएको भन्न नमिल्ने बताए ।
“राष्ट्रपति त अहिले पनि तपाईंहरूकै हुनुहुन्छ । यतिछिट्टै गुन बिर्सेर धोका के हो धोका ? कसले गर्यो विश्वासघात,” उनले भने । प्रचण्डले नेकपा एमालेका अध्यक्ष केपी शर्माले भने तत्कालीन गठबन्धन तोडेकोमा धोका दिएको भन्न मिल्ने बताए । एमालेको नेतृत्वमा प्रधानमन्त्री बनेर कांग्रेससँग मिल्न गएको सम्झिए ।
“धोकाको आरोप त बरु मलाई प्रधानमन्त्री बनाउन पहल गर्ने दलहरू र त्यसको मुख्य नेतृत्व माननीय केपी ओलीले लगाउन मिल्छ । प्रधानमन्त्री उहाँले बनाउने अनि खुरुक्क कांग्रेससँग जाने । उहाँहरूले लगाए मिल्दोजुल्दो हुन्छ.,” उनले भने ।
