काठमाडौं । स्वास्थ्य बिमा बोर्डले लिनाग्लिप्टिन २.५ एमजी ट्याब्लेटलाई सुविधा थैलीबाट हटाएको छ । बोर्डले मंगलबार सूचना जारी गर्दै सो औषधि सुविधा थैलीबाट हटाइएको जनाएको छ  । 

औषधि व्यवस्था विभागले लिनाग्लिप्टिन ग्रुपका विभिन्न औषधिहरू उत्पादन र बिक्रीमा रोक लगाएका कारण सुविधा थैलीबाट हटाइएको बोर्डले जनाएको छ । मधुमेहको उपचारमा प्रयोग हुने सो ग्रुपका औषधि सिफारिस नगर्न/नगराउन पनि बोर्डले सम्बन्धित सबैमा सूचित गरेको छ । 

विभागले सुरक्षा तथा प्रभावकारीको कारण देखाउँदै गएको मंसिर ११ गते लिनाग्लिप्टिन २.५ एमजी, लिनाग्लिप्टिन १० एमजी, लिनाग्लिप्टिन २.५ एमजी तथा मेटफर्मिन ५०० एमजी, लिनाग्लिप्टिन २.५ एमजी तथा मेटफर्मिन ८५० एमजी, लिनाग्लिप्टिन पाँच एमजी तथा मेटफर्मिन ५०० एमजी र लिनाग्लिप्टिन पाँच एमजी मेटफर्मिन ८५० एमजी ट्याब्लेटलाई अर्को सिफारिस नहुँदासम्म नयाँ उत्पादन नगर्ने निर्णय गरेको थियो । 

ती औषधिका बजारमा भएका ब्रान्ड र नयाँ समेत उत्पादन गर्न विभागको निर्देशन छ ।