काठमाडौं । सरकारले अवैध सुन तस्करी जाँचबुझ आयोगको म्याद थप गर्ने निर्णय गरेको छ । 

आज बसेको मन्त्रिपरिषद् बैठकले फागुन १६ गतेबाट लागु हुनेगरी फागुन मसान्तसम्मका लागि थप गर्ने भन्ने निर्णय भएको सरकारकी प्रवक्ता रेखा शर्माले जानकारी दिइन् ।

गएको साउनमा त्रिभुवन अन्तर्राष्ट्रिय विमानस्थलबाट ६० किलो अवैध सुन बरामद भएपछि सरकारले उक्त आयोग बनाएको हो । आयोगका अध्यक्ष डिल्लीराज आचार्यले प्रतिवेदन लेखनलाई अन्तिम रूप दिन १५ दिनको समय लाग्ने भन्दै फागुन मसान्तसम्मको समय मागेका थिए । 

सरकारले गएको असोज १५ मा आयोग गठन गरेको थियो । सुरुमा तीन महिनाको समय दिएर बनेको समितिले यसअघि नै दुई महिनाको समय थप गरिसकेको छ ।