काठमाडौं । पूर्वअमेरिकी राष्ट्रपति डोनाल्ड ट्रम्प र उनको कम्पनीलाई सिभिल ठगी मुद्दामा ३५ करोड ५० लाख अमेरिकी डलर तिर्न आदेश दिइएको छ ।

ट्रम्पले सहज ऋण सर्तका लागि सम्पत्तिको मूल्य बढाएको र वित्तीय विवरणमा झुटो बोलेको भन्दै शुक्रबार म्यानहट्टन सर्वोच्च अदालतका न्यायाधीश आर्थर एन्गोरोनले यस्तो फैसला सुनाएका हुन् ।

फैसला आएको एक दिनपछि शनिबार ट्रम्पले नयाँ स्नीकर ब्रान्ड सुरु गरेको सीएनएनले उल्लेख गरेको छ ।

उनले फिलाडेल्फियामा ‘ट्रम्प स्नीकर्स’ सार्वजनिक गरेका हुन् । यो जुत्ताको मूल्य ३९९ अमेरिकी डलर राखिएको छ ।

सन् २०२४ को अमेरिकी राष्ट्रपतिको निर्वाचनमा रिपब्लिकनबाट उमेदवार बन्ने स्थितिमा ट्रम्प छन् । उनले दोस्रो पटक हालका राष्ट्रपति जो बाइडेनसँग प्रतिस्पर्धा गर्ने सम्भावना बढेको छ ।