काठमाडौं । नेकपा (माओवादी केन्द्र)को विधान सम्मेलन आज पनि जारी रहनेछ । मंगलबारबाट सुरु भएको सम्मेलन आज सकिँदै छ ।

बैठकमा बुधबार १३ वटा समूहको निष्कर्ष प्रस्तुत गरिएको छ । बाँकी सात समूहको निष्कर्ष आज प्रस्तुत हुनेछ । विधानको मस्यौदामा छलफलका लागि २० समूह बनाइएको थियो । 

एक समूहका नेतालाई निष्कर्ष सुनाउन १० मिनेटको समय तोकिएको छ ।

माओवादीले विधानमा विवादित विषयमा आज नै टुंगो लगाउने तयारी गरेको छ । विवादित विषयमा टुंगोमा पुग्न आज बिहान पदाधिकारी बैठक बस्दै छ ।

माओवादीमा पार्टीको नाम, चुनाव चिह्न फेर्नेदेखि प्रत्यक्ष निर्वाचित गर्नेसम्मका सुझाव

सम्मेलनमा पार्टीको नाम, चुनाव चिह्न फेर्नेदेखि प्रत्यक्ष निर्वाचन प्रणालीसम्मका विषयमा बहस भइरहेको छ । विधान मस्यौदा प्रस्तावमाथिको छलफलका क्रममा नेताहरूले कमिटी प्रणाली सानो बनाउनुपर्ने, आयोगलाई सानो र अधिकारसम्पन्न बनाउनुपर्ने सुझाव दिएका छन् ।