काठमाडौं । कम्प्युटर एसोसिएसन नेपाल (क्यान) महासंघले आयोजना गरेको क्यान इन्फोटेक–२०२४ बिहीबारदेखि सुरु भएको छ । काठमाडौंको भृकुटीमण्डपमा आयोजित प्रदर्शनीको सञ्चार तथा सूचना प्रविधिमन्त्री रेखा शर्माले उद्घाटन गरिन् ।

प्रदर्शनी यही माघ २९ गतेसम्म सञ्चालन गरिनेछ । क्यान इन्फोटेकको यो २९औँ संस्करण हो ।

प्रदर्शनीमा विभिन्न कम्पनीका १२६ स्टल छन् । स्टलमा नयाँ–नयाँ प्रविधिका सामग्री एवं सेवाको प्रदर्शनी छ ।

क्यान महासंघका अध्यक्ष रणजीत पोदारले रोबोटिक्सको प्रदर्शनी समेत रहेकाले यो वर्षको क्यान इन्फोटेक विशेष रहेको बताए ।

प्रदर्शनीमा स्टार्टअप, युवा प्रतिभा, नवप्रवर्तन तथा नेपाली उत्पादन छन् । क्यान इन्फोटेकमा प्रतिव्यक्ति १०० रुपैयाँ प्रवेश शुल्क तोकिएको छ । विद्यार्थीलाई ५० प्रतिशत छुट अर्थात् ५० रुपैयाँ टिकट शुल्क तोकिएको छ ।

नेपाल रोबोटिक्स एकेडेमीले विकास गरेको जेनेरेटिभ एआई सिस्टम ‘कान्छी’ रोबट समेत प्रदर्शनीमा राखिएको छ ।

प्रदर्शनीमा क्यान महासंघका सदस्य संस्थाका साथै विभिन्न राष्ट्रिय र अन्तर्राष्ट्रिय सूचना तथा सञ्चार प्रविधिसम्बन्धी कम्पनीको सहभागिता रहेको क्यान महासंघले जनाएको छ ।

थप तस्बिर हेर्नोस्–