site stats
बाह्रखरी :: Baahrakhari
देश
Global Ime bankGlobal Ime bank
स्कुटर र मोटरसाइकल चोरीमा संलग्न चारजना पक्राउ
प्रतीकात्मक तस्बिर ।

काठमाडौं । ललितपुरका विभिन्न स्थानबाट स्कुटर चोरी भएको घटनामा संलग्न रहेको आरोपमा प्रहरीले दुईजनालाई पक्राउ गरेको छ । पक्राउ पर्नेमा मकवानपुरको भीमफेदी गाउँपालिका–७ का २८ वर्षीय सनम मगर र हेटौँडा उपमहानगरपालिका–१९ का २० वर्षीय शैलेश आले छन् ।

उनीहरू काठमाडौंको बल्खुमा बस्दै आएका थिए । गएको शुक्रबार उनीहरूलाई नियन्त्रणमा लिइएको प्रहरी प्रधान कार्यालयले जानकारी गराएको छ ।

ललितपुरको नख्खुस्थित सनराइज अपार्टमेन्टबाट चोरी भएको बा९७प ३०२ नम्बरको स्कुटरसहित सनम र झरुवारासीबाट चोरी भएको बा९५प २८०९ नम्बरको स्कुटरसहित शैलेशलाई पक्राउ गरिएको हो । प्रहरीले उनीहरूमाथि थप अनुसन्धान गरिरहेको छ । 

यस्तै, काठमाडौंको माकलबारीबाट गएको शुक्रबार चोरी भएको वाग्मती प्रदेश ०२–०३८ प ०३४५ नम्बरको मोटरसाइकलसहित दुईजना पक्राउ परेका छन् । शनिबार प्रहरीले उनीहरूलाई नियन्त्रणमा लिएको हो ।

प्रहरीका अनुसार, पक्राउ पर्नेमा मकवानपुरको बकैया गाउँपालिका–१ का १८ वर्षीय किशोर र वाग्मती गाउँपालिका–३ का २४ वर्षीय छविलाल बज्यु छन् ।

प्रकाशित मिति: सोमबार, माघ २२, २०८०  १३:२७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro