काठमाडौं । रामेछापका केही क्षेत्रमा अबका दुई महिनासम्म विरोध प्रदर्शन र आन्दोलन गर्न निषेध गरिएको छ । रामेछापका प्रमुख जिल्ला अधिकारी अनिता निरौलाले आइतबार विरोधका कार्यक्रम निषेधको आदेश जारी गरेकी हुन् ।

आइतबारदेखि मन्थली नगरपालिका–१ स्थित राष्ट्रिय वाणिज्य बैंकबाट जिल्ला प्रशासन कार्यालय हुँदै कृषि विकास बैंक जाने सडक र त्यसको ५० मिटर वरपरको क्षेत्रमा अनशन, धर्ना र पाँचजनाभन्दा बढी व्यक्ति भेला भई घेराउ, विरोध प्रदर्शनजस्ता कार्यक्रम गर्न निषेध गरिएको छ ।

विरोधका कार्यक्रम गर्दा विभिन्न समूहबीच विवाद, झैझगडा भई अशान्ति हुन सक्ने भएकाले यस्ता कार्यमा रोक लगाइएको आदेशमा उल्लेख छ ।

निषेधको आदेश पढ्नोस्–