काठमाडौं । राप्रपा नेपालका अध्यक्ष कमल थापाले अहिलेको 'भ्रष्ट व्यवस्था'को अन्त्य गर्न आन्दोलनको विकल्प नभएको बताएका छन् । त्यसका लागि परिवर्तन पक्षधरहरू एकै ठाउँमा उभिएर आन्दोलनमा होमिनुपर्ने उनको भनाइ छ ।

आज काठमाडौंमा आयोजित पार्टी संगठन सुदृढीकरण अभियान कार्यक्रमा अध्यक्ष थापाले एक्लै आन्दोलनमा जाँदा प्रभावकारी नहुने भएकाले निर्णायक आन्दोलनका लागि मोर्चा आवश्यक रहेको बताए ।

"एक्लाएक्लै आन्दोलन गर्ने भनाइले अप्रत्यक्षरूपमा राजसंस्था, हिन्दु राष्ट्रको एजेन्डालाई कमजोर बनाउँछ," उनले भने ।

अहिले आन्दोलनका लागि अनुकूल समय रहेको बताउँदै उनले अहिलेको व्यवस्था र प्रणालीबाट जनता वाक्कदिक्क भएको बताए ।